Zv/kryeministri i Malit të Zi, Dritan Abazoviç ka folur rreth situatës së krijuar në Cetinjë disa ditë më parë ku pati disa protesta pas emërimit të metropolitit Joanikije.
I ftuar në emisionin Opinion, Abazoviç u pyet rreth situates së krijuar ku tha se 80% e popullit malazez janë ortodoks, dhe se kishat serbe dhe malazeze janë të ndara dhe ceremonitë fetare të tyre duhet të respektohen.
‘Të kishte ndodh diçka në Mal të Zi do të kishte pas një konflikt me përmasa rajonale, ne jemi shtet që jemi në NATO dhe smund ti lejojmë vetes që të hyjmë në destabilizim.’ – tha Abazoviç.
I pyetur nëse Mali I Zi rrezikon që të ketë një përplasje në të ardhmen ai u shpreh se nëse situate nuk do të ishte menaxhuar siç u bë me rastin e Cetinjës do të kishte patur shumë konflikte të ndryshme.
‘Populli i cili është përkrahës i palës tjetër ishte nisur drejt Cetinjë, dhe ne do të kishim një situate që ndërhyrja e policies nuk do të ishte e mjaftueshme’- përfundoi Abazoviç.
Presidenti dhe të tjerë mbështetës të tij, e shohin ceremoninë si një simbol të “pushtimit” të Malit të Zi dhe një përpjekje për ta futur Malin e Zi në të ashtuquajturën “botë serbe”. Nga ana tjetër ata kërkojnë pavarësinë e Kishës Ortodoske malazeze, ndaj asaj serbe.
/a.r
