Njësoj sikur lideri i tyre, shumë shpejt mund të veprojnë edhe deputetët tjerë të AAK’së. Pas largimit të Ramush Haradinajt nga Kuvendi, edhe 8 deputetët tjerë të kësaj partie po shqyrtojnë mundësinë e dorëheqjes nga mandati i tyre, si formë e kundërshtimit opozitar.
Në partin e Haradinajt, thonë se ky veprim mund të ndodhë në koordinim edhe me dy partitë tjera opozitare VV dhe NISMA. Partitë opozitare mund të ndryshojnë formën e kundërshtimit ndaj qeverisë duke u tërhequr komplet nga Kuvendi.
AAK dhe dy partitë tjera opozitare kanë filluar ta diskutojnë këtë çështje pasi bllokimi i punës së Kuvendit, vezët, gazi lotsjellës, vendimi i kushtetueses, protestat e dhunshme e me koktej molotovi, nuk po duket se po i sjellin rezultate.