Gazeta Express ka mësuar se Lideri i AAK’së Ramush Haradinaj është këmbëngulës në idenë e tij për ta braktisur Kuvendin. Në anën tjetër Albin Kurti insiston që rezistenca të vazhdojë brenda institucioneve. Një koalicion që kishte filluar para disa muajsh, pra Opozita e Bashkuar, duket që nuk do të vazhdojë edhe shumë gjatë.
Takimet e fundit të zhvilluara në mes LVV, AAK dhe Nisma nuk po ndihmojnë që të kalohet kriza e fundit. Ramush Haradinaj po insiston që opozita ta braktisë Kuvendin e Kosovës, duke e vazhduar rezistencën me protesta dhe me aktivizëm qytetarë, ide kjo që nuk po përkrahet nga as nga LVV, e s’i duket as nga Nisma.
“Haradinaj është shumë i bindur në idenë e tij. Nuk e ka ndërmend që të tërhiqet”, thotë një burim i Gazetës Express. Sipas tij, kjo nuk është hera e parë që Haradinaj ka qëndrime të prera, në takimet me kolegët nga opozita.
