PD ka ngritur Komisionin e Vlerësimit të kandidatëve për deputetë në zgjedhjet e ardhshme. Lidhur me këtë, ish-anëtarja e Këshillit Kombëtar të PD, Edith Harxhi foli për zhvillimet e fundit në këtë forcë politike.
Harxhi shprehu rezervat e saj.
Mirëpo, e pyetur nëse ky komision i ngritur i cili u kërkon kandidatëve plotësimin e një formulari është një gjetje e Lulzim Bashës për të përjashtuar Sali Berishën, ajo nuk e përjashtoi.
“Mendoj që po. Zoti Basha do të dëshironte shumë që të anashkalonte figurën e liderit historik në zgjedhjet e ardhshme”, deklaroi Harxhi, ndërsa komentoi edhe deklaratat e ditëve të fundit të komisionerëve.
“Është kjo një gjetje e Bashës për të përjashtuar Berishën? A do të guxonte Lulzim Basha të mos vinte Sali Berishën lista në zgjedhjet e ardhshme?, – u pyet ajo.
“Mendoj që po. Zoti Basha do të dëshironte shumë që të anashkalonte figurën e liderit historik në zgjedhjet e ardhshme”, – tha ish-anëtarja e Këshillit Kombëtar të PD mbi zhvillimet e fundit në këtë forcë politike.
“Unë nuk e di sa duhet të ndikohet kryetari i PD nga njerëzit që i flasin për Atin. Për mua zoti Berisha duhet të ishte zgjedhur president nderi i PD, nuk e di pse nuk është bërë, ndoshta edhe pse Berisha ka dashur të ruajë një figurë të ulët”.
“Por nga ana tjetër mendoj se Berisha si lider historik e ka vendin aty, deri në momentin që do të dëshironte të kundërtën. Sinjalet janë dhënë nga disa anëtarë të komisionit, për sa i përket zotit Berisha. Berisha nuk është thjeshtë një person që ka kontribute dhe vlera është një figurë historike dhe themelues i PD”, – nënvizoi Harxhi.
“Nëse do të ndodhë që Sali Berisha të mbetet te 20% atëherë PD duhet të përfundojë misionin e saj” – u shpreh Harxhi.
/a.r
