Një ditë pasi Partia Demokratike refuzoi të japë konsensusin për reformën në drejtësi dhe gjithë kritikat ishin drejtuar nga selia blu, vjen një zhvillim tjetër.
Kryeprokurori Adriatik Llalla urdhëron pezullimin e drejtorit të Policisë së Shtetit, Haki Çako.
Sipas Prokurorisë, ka dyshime se ai ka urdhëruar përgjime të paligjshme.
Deputeti socialist Arben Çuko, anëtari i Komisionit të Sigurisë e quajti “pjesë e kalbur e sistemit të ndyrë kundër përpjekjeve të maxhorancës për realizimin e reformës në drejtësi”, këtë zhvillim të fundit.
“Kky është reagim i asaj pjesës së kalbur të sistemit të ndyrë shqiptar të drejtësisë, kundër përpjekjeve të mazhorancës për të realizuar reformën në drjetësi”, tha ai.
Por, Llalla nuk ndalet këtu.
Burime nga Prokuroria e Tiranës bëjnë të ditur se po hetohet edhe ministri i Brendshëm Saimir Tahiri në çështjen e përgjimeve.
Është interesant fakti, se edhe pse u provua që në periudhën 2011-2013, Berisha dhe Arben imami kanë kryer përgjime të paligjshme, Adriatik Llalla e mbylli dosjen.
Ndërsa në këtë rast po vepron ndryshe, edhe pse aktualisht, siç e thotë edhe vetë, por siç e tha edhe kreu i SHISH, ka vetëm dyshime dhe thashetheme për përgjime.
Duket se Llalla në këtë rast po përdoret nga Berisha për të zhurmuar mos-dhënien e konsensusit nga PD për reformën në drejtësi, gjë që i ul shumë pikë asaj në opinionin publik./Tema/a.m.
