Analizat e fundit të forenzikës duket se i kanë dhënë fund debatit të gjatë në arkeologjinë greke lidhur me lokacionin e vërtetë të varrit të mbretit Filipi i Dytë të Maqedonisë, babait të Aleksandrit të Madh.
Që prej gërmimeve në tri Varret e Mëdha Tumurale në Vergina gjatë viteve 1977 dhe 1978, shumë arkeologë kanë besuar se Filipi i Dytë ishte varrosur në Varrin II, që njihej ndryshe si “Varri i Filipit”. Por analizat skeletore të eshtrave të këmbës, që janë gjetur nga mbetjet e një mashkulli në Varrin I, shfaqin disa shenja të plagosjes me një hark. Zbulimi i ri lidhet me faktet e mëparshme të shkruara nga burime të panjohura se Filipi i Dytë ishte plagosur me një shigjetë gjatë një beteje në vitin 339.
Autorët e studimit, të publikuar së fundmi në revistën “Proceedings of the National Academy of Sciences”, përgatitur si lajm nga “Koha Ditore”, argumentojnë se faktet e reja jo vetëm që tregojnë vendin se ku është varrosur Filipi i Dytë, por gjithashtu japin shenja se disa nga varret e zotave në Varrin II në fakt mund t’i përkasin Aleksandrit të Madh.
Ekipi i përbërë nga arkeologët grekë dhe spanjollë, është i pari që ka analizuar mbetjet e tri skeleteve në Varrin I. Ata kanë zbuluar se eshtrat i përkisnin një burri të moshës së mesme, një gruaje të re, e cila besohet se ishte 18-vjeçare, kur kishte vdekur, dhe të një bebeje së cilës nuk i është zbuluar gjinia. Provat e forenzikës konfirmojnë kohën e vdekjes ashtu siç është shkruar nga burimet e panjohura për Filipin e Dytë, shtatë gratë e tij dhe fëmijët e tij.
Në vitin 336, tre vjet para vrasjes, Filipi i Dytë ishte plagosur rëndë gjatë një beteje me fisin trakas në Triballi pasi ai kishte refuzuar të ndante plaçkën me ta nga ekspedita e fundit kundër skithëve.
