A e sabotoi Shqipëria rrugën e saj për në Francë 2016?
Humbja e mbrëshme ndaj Portugalisë e ka ndërlikuar tej mase rrugën e Shqipërisë drejt Euro 2016. Megjithatë Shqipëria është ende në lojë, duke e pasur fatin në dorën e saj. Ja cilat janë mundësitë që kombëtarja kuqezi të shkojë për herë të parë në një Europian.
Pas humbjes me Portugalinë, Shqipëria ndodhet në vend të tretë pas humbjes me Portugalinë (me 11 pikë), por Danimarka me barazimin e djeshëm fitoi një pikë duke vajtur në 12 pikë.
Nëse Shqipëria në fund të ndeshjeve të kualifikuese del me me pikë të barabarta, atëherë kuqezinjtë dalin në vend të tretë në grupin tonë, pasi me ndeshje direkte, danezët janë më mirë sa i përket golaverazhit (kanë shënuar në barazimin 1-1 në Elbasan dhe rregullorja merr këtë si kriter, pas sfidave direkte dhe rezultatit).
Ndërkohë që duhet theksuar se ajo që në na avantazhon është fakti që kemi edhe dy ndeshje për të luajtur, me Armeninë, ashtu edhe me Serbinë
Pa marrë parasysh se çfarë do të ndodhë në sfidën Portugali-Danimarkë, na duhen gjashtë pikë për të shkuar në Francë, si vend i dytë. Kjo nëse Danimarka do të marrë tri pikë në Portugali. Nëse Danimarka barazon na duhen tri pikë, ndërsa edhe humbet, na duhen dy pikë.
Dalim të dytët nëse…
- a) Fitojmë me Serbinë dhe Danimarka barazon në Portugali
- b) Danimarka humbet në Portugali dhe marrim 2 pikë në dy ndeshjet e fundit
- c) Danimarka fiton në Portugali dhe ne fitojmë dy ndeshjet e fundit
E treta më e mira, ndryshon renditja
Ka edhe një tjetër formulë që na çon në Europian dhe është e treta më e mira. Aktualisht, kjo renditje ka ndryshuar dhe në vend të parë, si e treta më e mira është Kroacia, që ka edhe një ndeshje, ndaj Bullgarisë, pasi me Maltën nuk do t’i quhen pikët, duke qenë se ishullorët janë të fundit. Teksa, Ukraina, ka dy ndeshje të forta, me Sllovakinë dhe Spanjën, teksa ndaj Maqedonisë nuk do të quhej, pasi është e fundit.
