Pyetja që do të mbajë referendumi i PS-së, i cili do të zhvillohet me datë 9 prill tashmë është zbardhur dhe është:
“A e konfirmoni modalitetin për zgjedhjen e kryetarit?”
Kësaj pyetje do t’i përgjigjet baza e Partisë Socialiste në referendumin e kërkuar nga Kryeministri Rama, pas debateve që hapi brenda selisë rozë deputeti Ben Blushi.
Për të mos harruar këtu është fakti se me statutin e ri të PS-së, në rastin e fitores së zgjedhjeve kryetari i partisë zgjidhet automatikisht në këtë post pa patur nevojën e zgjedhjeve të reja. Ky është dhe modeli laburist për çështjen e postit të kreut të partisë.
Në këtë kontekst, pyetja e referendumit, vë në të drejtën e zgjedhjes së bazës nenin e statutit të ri, i cili sanksionon se kur ka apo kur ska zgjedhje për postin e kreut të partisë.
