Komisioni i Posaçëm i Apelimit (KPA) shqyrton sot ankimimin e Komisionerit Publik për ish-gjyqtaren e Gjykatës së Lartë, Mirela Fana, e cila dha dorëheqjen duke iu shmangur procesit të Vettingut.
Trupa e KPA përbëhet nga Natasha Mulaj, kryesuese, Rezarta Schuetz, relatore dhe me anëtarë të Albana Shtylla, Ardian Hajdari dhe Sokol Çomo.
Ish-gjyqtarja nuk është paraqitur në seancë, ndërsa i pranishëm është përfaqësuesi i ONM-së.
KPK vendosi më herët të pranojë dorëheqjen e Fanës dhe për rrjedhojë ndërpreu Vettingun ndaj saj, por Komisioneri Publik, Florjan Ballhysa, e ankimoi vendimin në KPA.
Mirela Fana dha dorëheqjen nga gjyqtare e Gjykatës së Lartë në janar të këtij viti, pak përpara nisjes së procesit të Vettingut në radhët e gjyqësorit./a.m.
