Adriatik Llalla u tërhoq nga e drejta për të qenë gjyqtar i Apelit pas përfundimit të mandatit si Prokuror i Përgjithshëm. Ai njoftoi edhe organet e Vettingut për vendimin e tij nga ku kërkoi të mos i nënshtrohet procesit të rivlerësimit.
Komisioni i Pavarur i Kualifikimit nuk ka marrë ende një vendim lidhur me këtë kërkesë. I pyetur nga Report TV, KPK bën me dije se për këtë subjekt do të zhvillohet një mbledhje e posaçme për të marrë një vendim nëse do ndërpritet Vettingu apo jo ndaj Llallës.
“Në lidhje me subjektin e rivlerësimit, Z. Adriatik Llalla, bazuar në nenin 14 të Ligjit 84/2016, trupa e Komisionerëve do të mblidhet për të marrë një vendim. Referuar pyetjes së dytë, ju informojmë se dorëheqja është një e drejtë ekskluzive e subjektit të rivlerësimit, sipas përcaktimeve kushtetuese dhe ligjore, ndërkohë që trupa gjykuese e Komisionerëve mblidhet për të vendosur në lidhje me subjektet”, thuhet në përghjigjen e KPK për ReportTV./a.m.
