A do të mbyllet gazeta “Zëri i Popullit”?
Gazeta më jetëgjatë në Shqipëri, “Zëri i Popullit” duket se është drejt mbylljes. Organi mediatik i Partisë Socialiste mungon prej disa ditësh në treg dhe për këtë mungesë nuk ka bërë asnjë deklaratë zyrtare.
Ndërkohë burime pranë kësaj ZP-së thonë se shkak për mungesën e gazetës në treg janë bërë problemet ekonomike. Edhe pse Partia Socialiste tashmë është në pushtet, reklamat dhe financimi për gazetën mungojnë edhe më shumë se në kohën kur ajo ishte në opozitë.
Në fakt kryeministri Edi Rama nuk ka ndonjë simpati të madhe për ZP-në. Madje para disa vitesh ai kërkoi edhe mbylljen e gazetës, gjë e cila po realizohet tani nga mungesa e financimit.
