Presidenti Meta ka zhvilluar ditën e sotme takimin e përjavshëm me mediat, për shkak se të premten e kaluar u anulua nga takimi me kryeministrin e Kosovës, Avdullah Hotin.
Meta e nisi me mesazhe për të pasur kujdes në lidhje me situatën e koronavirusit, ndërsa u shpreh se është e domosdoshme zbatimi i protokolleve.
“Tërheq vëmendjen ndaj të gjithëve për të mos humbur përqendrimin në përballimin më efikas të pandemisë, pasi shtimi i rasteve të qytetarëve dhe numrit të viktimave kërkojnë urgjentisht një reflektim nga të gjithë, nga institucionet, qeveria, opozita, sipërmarrjet dhe çdo qytetar. Është e domosdoshme një strategji e re, me protokollet e mirëpërcaktuara dhe për të vënë në kontroll përhapjen në rritje të kësaj pandemie”, tha në fillim Meta.
Më tej Meta u ndal nëse do t’i duhej të mblidhte Këshillin e Sigurimit duke u shprehur se duhet më shumë transparencë dhe masa konkrete për mbrojtjen e bluzave të bardha.
/e.rr
