Barcelona mund të kalojë 100 pikë këtë edicion në La Liga.
Barcelona po vazhdon shkëlqimin e saj në La Liga, ku është shumë afër që të fitojë titullin për herë të dytë më radhë.
Katalunasit gjenden në vendin e parë me 66 pikë, 8 më shumë se sa Atletico Madrid në vendin e dytë dhe 12 më shumë se sa Real Madrid.
Nëse vazhdojnë me ritmin e njëjtë, atëherë Barcelona mund të arrij në 102 pikë në kampionat, dy më shumë se sa kishte arritur Real Madrid në sezonin 2011-12 dhe Tito Vilanova me Barcelonën një vit më vonë.
Kur kanë mbetur edhe 12 ndeshje deri në fund, në lojë janë edhe 36 pikë dhe në rast se Barcelona i fiton të gjitha, atëherë do të hynte në histori të La Ligas si skuadra që fiton titullin me 102 pikë.
