Në Gjykatën e Tiranës është zhvilluar sërish sot seanca gjyqësore ndaj Izet Haxhisë, i cili kërkon rihapjen e procesit për vrasjen e Azem Hajdarit, çështje për të cilën është dënuar me 25 vite burg në mungesë.
Kjo është seanca e tretë që zhvillohet prej ekstradimit të Haxhisë rreth një muaj më parë.
Ai kërkon rivendosjen në afat të çështjes, duke i dhënë mundësinë që çështja të kalojë në Apel.
Haxhia ka deklaruar se ekzistojnë prova për përfshirjen e ish-kryeministrit Sali Berisha.
Seancën e shkuar ai tha se “ka qenë dëshmitar i shumë krimeve të Berishës nga viti ’90 në vitin ‘98”./a.m.
