Kryeministri Edi Rama ka deklaruar se mbi Saimir Tahirin u hodh një llum i madh, dhe i duhet kërkuar falje. Kreu i qeverisë u pyet nëse Tahiri do të kthehet në PS, por nuk dha një përgjigje të qartë
Kreu i qeverisë deklaroi se grupi i PS mori vendimin e duhur duke mos lejuar arrestimin e tij, fakt që konfirmohet nga vendimi i gjykatës italiane, e cila e mbylli hetimin ndaj tij
“Edhe një herë unë nuk flas me nëse. Nuk janë probleme të PS me drejtësinë, por probleme individuale. Nuk dua të komentoj drejtësinë shqiptare. PS vendosi një standard që pushteti të mos perdorët si mjet për të penguar drejtësinë. Kam thënë se për gjithë atë llum që u derdh mbi Tahirin, nga media e portale, Tahirit duhet t’i kërkohet ndjesë. U kërkua arrestimi i bazuar mbi atë llum. PS mori vendimin e duhur, imagjino të vendosnim për arrestim mbi ato fjalë kriminelësh. Tahiri të çojë deri në fund procesin, nuk dua të ndikohet nga nëse…”, tha Rama
Javanews/a.ç
