Ministrja për Parlamentin, Elisa Spiropali ka reaguar pas publikimit të raportit të Komisionit të Venecias që nënvizon faktin se presidenti Ilir Meta ka shkelur Kushtetutën me anulimin e zgjedhjeve të 30 qershorit.
Me ironi, Spiropali i kujton Metës një deklaratë të bërë prej tij në media, se në rast se Komisioni i Venecias konstaton shkelje, “do të japë dorëheqjen”.
“A do ta mbajë Ilir Meta fjalën që i dha http://çimit.net kur u betua se “po tha Venecia e shkele, do iki vetë dhe s’merrem me e lehtë apo e rëndë shkelja”? S’besoj e mban, po që e shkeli e shkeli dhe 30 qershori u pagëzua edhe me ujin e bekuar të Venecias #KrenarepërPS”, shkruan Spiropali. /l.m
