Instituti Arkeologjik i Kosovës dhe Ministria e Kulturës vazhdojnë të jenë në dilemë se çfarë do të ndodhë me mbetjet arkeologjike të një objekti të periudhës romake dhe të një kishe mesjetare të gjetura në fshatin Rahovicë të Komunës së Ferizajt, gjatë punimeve për autostradën Prishtinë – Han i Elezit.
Institucionet nuk kanë vendosur ende nëse gjetjet arkeologjike që kanë mbijetuar gati 2 mijë vjet do të shpëtohen nga asfalti.
Instituti Arkeologjik i Kosovës dhe Ministria e Kulturës vazhdojnë të jenë në dilemë se çfarë do të ndodhë me mbetjet arkeologjike të një objekti të periudhës romake dhe të një kishe mesjetare të gjetura në fshatin Rahovicë të Komunës së Ferizajt, gjatë punimeve për autostradën Prishtinë – Han i Elezit, shkruan Koha Ditore.
Edhe pse gërmimet kanë filluar në fund të muajit shtator, arkeologët kanë thënë se duhet ende kohë për të marrë vendim për objektin shumëdhomësh të periudhës romake dhe kishën mesjetare që kanë rreth 500 metra distancë me njëra-tjetrën.
