Policia e Maqedonisë së Veriut e ka arrestuar Agim Ismailloviçin, i akuzuar në rastin “Monstra”.
Arrestimi i tij vjen pasi në seancën e sotme për këtë rast, prokuroria kërkoi që Ismailloviqit t’i shqiptohet masa e paraburgimit, për shkak të siç tha prokuroria, rrezikut për arratisjen e tij, përcjell Telegrafi Maqedoni.
“Personi është arrestuar dhe është dërguar në burgun e Shkupit”, theksuan nga MPB.
Në rastin “Monstra” që ka të bëjë me vrasjen e pesëfishtë në Liqenin e Smillkovës, të akuzuar janë Alil Demiri, Afrim Ismaillovqi, Agim Ismailloviq, Fejzi Aziri, Haki Aziri dhe Sami Luta.
