Të shtëna me armë zjarri janë raportuar mesditën e sotme në qytetin e Vlorës. Mësohet se ngjarja ka ndodhur në lagjen “10 korriku” në zonën e Skelës.
Një sherr i ndodhur mes disa të rinjve ka agravuar në përdorimin e armëve, ku raportohet se ka pasur të shtëna në ajër.
Pas të shtënave me armë, policia ka nisur kontrollet dhe krehjen e zonës për të gjetur gëzhojat ku mendohet se është shtënë me armë zjarri.
Siç bën të ditur shqiptarja.com deri tani policia ka shoqëruar një person që mësohet se ka dijeni për ngjarjen, ndërsa vijojnë hetimet për zbardhjen e plotë të saj.
/e.rr
