Mëngjesin e sotëm në media qarkulloi lajmi se një nënë me fëmijën e saj muajsh në Fier ndodhen të shtruar në reanimacion me COVID-19. Pas këtij lajmi ka ardhur reagimi i Spitalit Rajonal të Fierit.
Nëpërmjet një postimi në “Facebook”, spital mohon informacionet dhe deklaron se asnjë fëmijë nuk ka rezultuar pozitiv dhe asnjë pacient i prekur nga ky virus nuk ndodhet në reanimacionin e këtij spitali.
Më tej, spitali bën thirrje që informacionet të konfirmohet më parë për të evituar përhapjen e panikut.
“Në përgjigje të të gjithë atyre që na kanë pyetur dhe janë interesuar mbi një lajm të publikuar në disa media, mbi rastin e një fëmije dhe nënës së tij, të prekur nga Covid-19, Spitali Rajonal Fier bën me dije se ky informacion NUK është i vërtetë.
Asnjë fëmijë nuk ka rezultuar pozitiv dhe asnjë pacient i prekur nga ky virus nuk ndodhet në reanimacionin e këtij spitali.
Ftojmë këdo të verifikojë, e lusim të gjithë ata që publikojnë të tilla informacione ti konfirmojnë më parë, për të evituar edhe përhapjen e panikut tek qytetarët.
Spitali Rajonal Fier edhe një herë u bën thirrje qytetarëve të përdorin maskën në mjedise të mbyllura dhe për çdo shqetësim të kontaktojnë 127-ën.
Shëndeti Juaj, Misioni Ynë”, shkruan Spitali i Fierit.
g.kosovari
