Këngëtarja shqiptare me famë botërore Rita Ora ka falenderuar Bashkinë e Tiranës për realizimin në kohë të rindërtimit të shtëpisë së re të familjes Sala në Pinar. Banesa e familjes 6-anëtarëshe u dëmtua nga tërmeti shkatërrues i 26 nëntorit, dhe këngëtarja e njohur financoi në rindërtimin e saj.
Një ditë pasi kryebashkiaku i Tiranës Erion Veliaj u dorëzoi atyre çelësat e banesës së re, Rita Ora nuk i ka kursyer falenderimet.
Teksa poston fotot në rrjetet sociale, këngëtarja shkruan se lajmi për rindërtimin në kohë të banesës së familjes Sala është një arsye më shumë gëzimi në ditën e lindjes së saj.
“Shtëpia e rindërtuar është gati. Faleminderit që ndihmuat që kjo gjë të bëhej realitet”, shkruan këngëtarja Rita Ora. /e.s/
