Milot Rashica është futbollisti më në formë me origjinë shqiptare. Sulmuesi u detyrua të ndalej, pasi u dëmtua në ndeshjen e fundit ndaj Fortuna Dusseldorf. 23-vjeçari la fushën e lojës, pasi dhuroi një asist.
Klubi i Werder Bremen-it ka bërë me dije se dëmtimi muskulor i shqiptarit nuk është aq i lehtë dhe “Raketa” do të mungojë për disa javë. Një mungesë e tillë ka shqetësuar jo pak gjermanët duke qenë se lojtari ishte kthyer në lider.
Mungesa e Rashicës nuk prek vetëm klubin e tij, por dhe Kosovën. Ai nuk do të jetë gati për ndeshjet e shtatorit që Kosova do të luajë kundër Çekisë dhe Anglisë. Mungesë shumë e rëndësishme për trajnerin Bernard Challandes.
