Kryeministri Edi Rama ka dhënë një tjetër mesazh paralajmërues për zaptuesit e plazheve. Duke publikuar disa mesazhe të qytetarëve në faqen e tij zyrtare në “Facebook”, Rama shkruan se vazhdon pa pushin lufta për çlirimin e plazheve.
Sipas kreut të qeverisë, ky sezon do të jetë i fundit me këtë hall të madh për njerëzit dhe turp të madh për vendin e për shoqërinë.
“Vazhdon papushim lufta për çlirimin e plazheve nga zaptuesit, falë edhe qytetarëve që nuk heshtin🙏Ky sezon do të jetë i fundit me këtë hall të madh për njerëzit dhe turp të madh për vendin e për shoqërinë😢
Me ligjin e ri për vijën bregdetare, përgjegjësinë për mbrojtjen e kësaj pasurie publike, të pushuesve e të bizneseve të rregullta, pa miq nëpër bashki e pa lekë për zyrtarucët bashkiakë, do ta marrë shteti”, thekson Rama.
