Kryetari i Partisë Demokratike të Shqipërisë ka komentuar rezultatin e zgjedhjeve europiane, të cilat u mbajtën fundjavën që sapo lamë pas.
Duke uruar për rezultatin Partitë Popullore Europiane, Lulzim Basha shkruan se vota është forca e qytetarëve në demokraci.
Postimi i plotë:
Qytetarët europianë, me pjesmarrjen më masive të 20 viteve të fundit në zgjedhjet për Parlamentin Europian, konfirmuan vendosmërinë për të mbrojtur dhe çuar përpara vlerat europiane.
Jam i lumtur që familja jonë politike EPP – European People’s Party është konfirmuar forca e parë në parlamentin dhe qeverisjen europiane. Urimet më të përzemërta për presidentin Joseph Daul dhe PPE dhe në veçanti për fushatën e jashtëzakonshme të kandidatit tonë për President të Komisionit Europian Manfred Weber.
Forca e qytetarëve në demokraci është vota, prandaj beteja e shqiptarëve për votën e lirë është betejë jetike për vlerat europiane, për demokracinë perëndimore dhe për Shqipërinë si gjithë Europa.
Asnjë hap pas! #ShqipëriaSiEuropa #2qershor
/a.r
