Policia e Shtetit ka tërhequr pak çaste më parë furgonin e djegur në Tapizë, i cili ishte futur dhe shkrumbuar brenda një tuneli ushtrie në këtë zonë.
Ndërsa në terren janë FNSH dhe RENEA duke krehur të gjithë zonën, me qëllim kapjen e grabitësve, të cilat arritën të merrnin nga brenda aeroportit të Rinasit një shumë prej 10 milionë eurosh.
Deri tani janë gjetur tre makina të djegura, skemë kjo, e cila dyshohet të jetë përdorur nga autorët për të çoroditur Policinë e Shtetit.
Grupi hetimor dhe prokurorët po bëjnë gjurmime me mjete speciale në zonën ku u gjet makina e djegur, ndërsa pritet të dokumentohen prova, të cilat më pas do të çojnë në zbulimin e mundshëm të grabitësve të parave.
g.kosovari
