Kosova sot ka firmosur në Serbi marrëveshjen rajonale mbi uljen e çmimeve të roamingut për të gjitha gjashtë vendet e Ballkanit Perëndimor. Kjo marrëveshje është nënshkruar në ditën e parë të Samitit Digjital të Ballkanit Perëndimor në Beograd, pjesë e së cilës janë: Kosova, Serbia, Mali i Zi, Maqedonia e Veriut, Bosnjë e Hercegovina dhe Shqipëria.
Atje po merr pjesë delegacioni i Kosovës, kryesuar nga ministri i Zhvillimit Ekonomik, Valdrin Lluka. Delegacioni Kosovar është i përfaqësuar nga institucione të ndryshme shtetërore, organizata joqeveritare dhe kompani vendore në fushën e teknologjisë informative. Sipas dokumentit që është nënshkruar në tre vitet e para vetëm do të ulen çmimet e tarifave mes këtyre vendeve derisa më pas planifikohet që roamingu mos të ekzistojë më.
/a.meta
