Në Fernandina të ishujve Galapagos të Ekuadorit, është zbuluar një breshkë, lloji i së cilës për herë të fundit është parë para 100 vitesh, lloj për të cilin mendohej se ishte zhdukur.
Ministria ekuadoriane e Mjedisit njoftoi se gjatë një zbulimi të përbashkët në Parkun Kombëtar Galapagos me Agjencinë e Mbrojtjes së Galapagosit, është gjetur një breshkë gjigante femër e llojit Fernandina, për të cilën mendohej se është e moshës 100-vjeçare.
Ambientalistët mendojnë se në ishull gjenden shumë breshka të këtij lloji, ndërsa breshkën gjigante e kanë dërguar në qendrën e ushqimit të kafshëve në ishullin Cruz.
Më tej, bëhet e ditur se breshka e gjallë gjigante e llojit Fernandina, për herë të fundit është parë në vitin 1906.
Unioni Ndërkombëtar për mbrojtjen e natyrës, këtë lloj të kafshës e listoi në mesin e specieve të rrezikuara dhe ndoshta të zhdukura.
Ishujt Galapagos, në vitin 1979 janë shpallur Zonë e Trashëgimisë Botërore nga UNESCO. (Tema)
