Gjykata Penale në Belgjikë ka dënuar një familje shqiptare, e cila merrej me shitje të drogave të forta.
Në total ishin dhjetë të pandehur dhe të gjithë i përkisnin të njëjtës familje. Pas kontrolleve të kryera, autoritetet kanë bllokuar katër makina dhe 32,000 mijë euro, të cilat janë vërtetuar se janë përftuar përmes aktivitetit të paligjshëm.
Dy krerët e familjes, Gëzim L. dhe Martin L. u dënuan me 5 vite burg si dhe do të paguajnë një gjobë prej 8 mijë eurosh.
Vëllai i tretë, Erlind L., u dënua me 4 vite burg dhe 8,000 euro. Të afërmit e tjerë u dënuan me nga dy vite burg, por bashkë me dënimin ata do të paguajnë edhe një gjobë financiare, duke përjashtuar të pandehurin e fundit, ndaj të cilit gjykata vendosi një gjobë prej 1600 eurosh.
Pjesë e grupit ishin edhe dy motrat e familjes, të cilat janë detyruar me presion të punojnë me vëllezërit në trafikimin e lëndëve narkotike. Gjykata ndaj tyre nuk mori masën e dënimit, por i liroi nga akuzat duke i lënë të lira.
a.ç
