48 raste të kancerit të gjirit janë konstatuar në qytetin e Beratit gjatë këtij muaji të dedikuar kësaj sëmundje. Lajmin e bën të ditur mjekja, Valbona Papa, e cila shprehet se shifrat janë alarmante dhe se duhet të bëhët më shumë kujdes nga moshat 35 deri në 60 vjeç.
Në muajin e dedikuar kujdesit për parandalimin e kancerit të gjirit, 48 gra dhe vajza të prekura nga kjo sëmundje janë regjistruar në qytetin e Beratit. Lajmin e bën të ditur mjekja Valbona Papa, e cila shprehet se shifrat janë tepër alarmante. Ajo u bëri thirrje grave dhe vajzave që të ekzaminohen, pasi parandalimi është më i lehtë se shërimi.
Në këtë muaj do t’u bëja thirrja grave që të bëjnë mamografine. Masat të kapen në stadet e hershme pasi kjo do të thotë fitim në vite jetë.
35-60 janë grupmoshat më të prekura nga kjo sëmundje. Gjatë këtij muaji, në Berat ashtu si në qytetet e tjera, ekzaminimet janë falas. Ato mund të kryhen pranë një dhome të posaçme, e cila është ngritur në ambientet e spitalit të qytetit. (Shqiptarja.com)
