Nuk ka të ndalur publikimi i deklaratave “bombë” që Trump ka lëshuar gjatë samitit të G7’ës në Kanada.
Prestigjiozja amerikane “The Wall Street Journal” citon shefin e Shtëpisë së Bardhë t’i ketë thënë homologut francez se “të gjithë terroristët janë në Paris”.Deklaratën Presidenti amerikan e ka bërë gjatë një bisede larg vëmendjes së mediave me shefin e Elizesë.
E përditshmja amerikane i referohet burimeve të pranishme gjatë bisedës, që thonë se Trump e Makron po diskutonin për terrorizmin e krizën bërthamore të Iranit.“The Ëall Street Journal” shkruan se Trump kishte kritikuar në konfidencë edhe liderë të tjerë për çështje si migracioni.
Kryeministrit japonez i kishte thënë se që ta kuptojë problemin që shkaktojnë ata, duhet të të dërgojnë 25 milionë meksikanë.Në një situatë të tillë mund të humbësh edhe postin – citohet të jetë shprehur Trump.
Më herët, kreu i Komisionit Europian Jean Claude Juncker tha se Trump e kishte quajtur atë gjatë samitit “një killer brutal”.Junker tha se kjo i kishte shkaktuar konfuzion nëse ishte me të vërtetë shaka, përgatiti Express. (b.an)
