Prej disa ditësh vendi ynë vijon të dominohet nga moti i paqëndrueshëm. Ndonëse mëngjesin e sotëm koha duket e bukur dhe me diell, në orët në vijim pritet të kemi sërish vranësira.
Kthjellime e vranësira kalimtare do ketë veriu dhe pjesërisht zonat qendrore, ndërsa vranësira më të shpeshta dhe shira sjell mesdita në zonat jugore.
Edhe pasditja vijon me rrebeshe shiu në zonat jugore dhe pjesërisht në qendër, por shira të izoluar do të ketë në veri, ndërsa thuajse pa shira i gjithë bregdeti.
Sipas Meteoalb, era do të fryjë e lehtë me shpejtësi 23km/h nga perëndimi ndërsa në det krijohet dallgëzimi i ulët.
Temperaturat e ajrit rriten lehtë në mëngjes e mesditë ndërsa ekstremumet luhaten nga 9 në 27 gradë celcius./a.m.
