Fituesi i “Seria A”, njërit prej 3 kampionateve më të fortë të Europës sipas “UEFA”, do të vendoset në 360 minutat e fundit, në katër javët që kanë mbetur. Diferenca 1 pikë mes dy skuadrave kryesuese e ka shtyrë Napolin të mos i lërë asgjë rastësisë.
Duke parë rëndësinë që do të kenë këto përballje, presidenti i Napoli, Aurelio De Laurentiis ka kërkuar që ndeshjet e mbetura të Juventus dhe Napoli të luhen të në të njëjtën orë, duke bërë një modifikim të kalendarit.
Gjithsesi, për momentin duket shumë e vështirë që Liga Italiane e Futbollit të plotësojë kërkesën e tij, të paktën për dy ndeshjet e ardhshme, sepse dy ndeshjet e fundit dihet që do të zhvillohen në të njëjtën ditë dhe në të njëjtin orar.
Eshtë vendosur se Juventus do të luajë të shtunën në mbrëmje kundër Inter në “San Siro”, ndërsa Napoli do të luajë të dielën në orën 18:00 në fushën e Fiorentina.
Edhe në javën e fundit, Juventus do të luajë të shtunën kundër Bologna, ndërsa Napoli të dielën ndaj Torino. Ndryshimi i orareve është thuajse i pamundur dhe pritet që kërkesa e Napoli të hidhet poshtë, edhe si pasojë e të drejtës televizive.
