Një ngjarje e rëndë ka ndodhur pasditen e sotme në Elbasan, ku një person në gjendje të dehur ka goditur me thikë 4 persona, e më pas është larguar nga vendngjarja për t’i shpëtuar policisë. Autori i dyshuar pas shpalljes në kërkim është arrestuar nga policia.
Të plagosurit janë dërguar në spital për të marrë ndihmë mjekësore. Bëhet e ditur se ngjarja ka ndodhur në qendër të qytetit të Elbasanit, pranë postës, në një zonë tepër të frekuentuar.
NJOFTIMI I POLICISE
Më datë 06.04.2018 në Lagjen “Syrja Dylgjeri” shtetasi G.Sh në gjendje të dehur në rrugë është konfliktuar dhe dyshohet të ketë goditur me mjet të mprehtë shtetasit:
E.Ç., 44 vjeç, Z.Ç., 19 vjeç, A.S., 42 vjeç dhe U.S., 18 vjeç banues në Elbasan
Të katërt shtetasit ndodhen në spitalin Kirurgjik Elbasan jashtë rrezikut për jetën. Grupi hetimor po punon për kapjen e autorit
Njoftim për arrestimin
Policia arreston në kohë reale autorin që dyshohet se goditi me mjet të mprehtë katër shtetasit
Specialistët e Seksionit për Hetimin e Krimit, në Komisariatin e Policisë Elbasan, pas një pune të mirëorganizuar bënë kapjen dhe arrestimin në flagrancë të shtetasit:
Gëzim Shabani, 39 vjeç banues në Elbasan.
Shtetasi i lartpërmendur, më datë 06.04.2018 në Lagjen “Sul Paprri” pasi ka dalë nga një local, në rrugë është konfliktuar dhe dyshohet të ketë goditur me mjet të mprehtë shtetasit : E.Ç., 44 vjeç, Z.Ç., 19 vjeç, A.S., 42 vjeç dhe U.S., 18 vjeç banues në Elbasan.
Të katërt shtetasit ndodhen në spitalin Kirurgjik Elbasan jashtë rrezikut për jetën.
Shkak i konfliktit dyshohet të ketë qenë një konfikt i mëparshëm që shtetasi i lartpërmendur dyshohet të ketë patur me vëllain e shtetasit U.S.
Materialet do t’i kalojnë Prokurorisë së Rrethit Gjyqësor Elbasan për veprime të mëtejshme.
ma.me
