Topi me të cilin do të nisë Botërori i Rusisë, në takimin hapës Rusi-Arabi Saudite, do të bëjë më parë një udhëtim në hapësirë.
Topi që do të përdoret për herë të parë në ndeshjen e 14 qershorit, do të udhëtojë në Stacionin Ndërkombëtar Hapësinor, që është 400 kilometra larg tokës.
“Do e marrim topin me vete dhe do e sjellim për ndeshjen e parë” – u shpreh kozmonauti Oleg Artemiev. Në maj, kolegu i tij rus, Anton Shkaplerov do e rikthejë topin në Tokë.
Artemiev, që e anonçoi këtë mision nga stacioni hapësinor Baikonur, në Kazakistan, ka njoftuar gjithashtu se me kërkesë të djalit të tij, ai do marrë me vete edhe një lodër nga maskota e Botërorit, ujku i quajtur Zabivaka. (Panorama)
