Në një protestë masive në Barcelonë kundër pavarësimit të Katalonjës nga Spanja kanë marrë pjesë disa qindra mijëra vetë. Policia bën fjalë për 350.000 pjesëmarrës të dielën. Vetë organizatorët flasin për një pjesëmarrje më të lartë, 950.000 vetë.
Protesta u zhvillua nën moton “Mjaft”, “Le t’i kthehemi arsyes”. Në sheshin Urquinaona në kryeqytetin katalanas, Barcelonë, njerëzit kënduan himnin “Viva Espana” dhe valëvisnin flamuj spanjollë. Në demonstratë kishte shumë pjesëmarrës nga rajone të tjera spanjolle.
Edhe nobelisti i letërsisë, shkrimtari Mario Vargas Llosa mori pjesë në protestën për unitetin e Spanjës. Peruani me nënshtetësi spanjolle u shpreh në një fjalim, se demokracia spanjolle do t’i rezistojë çdo lloj “komploti pavarësie”, njofton DW.
