Sulmuesi argjentinas, Sergio Aguero mund të largohet nga Manchester City gjatë afatit kalimtar të janarit.
Sipas tabloidit britanik, Daily Mail, Pep Guardiola është i gatshëm ta shesë argjentinasin nëse gjatë dimrit arrin që ta transferojë Alexis Sanchezin nga Arsenali.
Nëse ndodh kjo, Aguro mund të transferohet në Serie A, ku skuadra e Milanit është e gatshme ta sjellë në San Siro.
Ish ylli i Atletico Madridit, i cili është pjesë e Cityt nga viti 2011, ka luajtur 182 ndeshje për Citizens, teksa ka shënuar 128 gola. /a.m.
