Takimi i sotëm konsultues i partive politike për gjetjen e një zgjidhje për formimin e institucioneve të Kosovës ka përfunduar pa ndonjë rezultat.
Kryesuesi i seancës së Kuvendit të Kosovës, Adem Mikullovci theksoi se seanca do të mbahet nesër duke filluar nga ora 10.00, transmeton kp.
Në këtë takim nuk u mbështet propozimi i koalicionit PAN që të mërkurën të mbahet edhe një takim konsultativ, për të caktuar një seancë për të enjten ose të premten. Në takimin e sotëm konsultativ nuk mori pjesë Lëvizja Vetëvendosja, kurse të pranishëm ishin përfaqësues të koalicionit PAN dhe LAA. (b.an)
