Cristiano Ronaldo do t’i mbetet besnik Real Madridit. Sipas të përditshmes sportive katallane, “Mundo Deportivo”, Cristiano Ronaldo ka ndërruar mendjen dhe tani dëshiron të mbetet në Real Madrid.
Thuhet se ylli portugez, ka njoftuar presidnetin e klubit, Florentino Perezin se nuk dëshiron të largohet nga Santiago Bernabeu.
Së fundmi spekulohej se Ronaldo kishte vendosur të largohej nga Spanja dhe të gjejë një skuadër të re gjatë afatit kalimtar të verës, përcjell Express.
Pas këtij lajmi ishte përfolur se Ronaldo ka ofertë nga Manchester United dhe PSG. Por, si duket e ardhmja e Ronaldo do të jetë në Madrid edhe për një kohë të gjatë. (b.an)
