Çfarë do bëjë me projektet e Rilindjes Urbane nëse vjen në pushtet? Përgjigjet Basha

I ftuar sonte në emisionin “Dritare” me Rudinën, kryetari i opozitës Lulzim Basha foli me nota kritike për projektin e rilindjes urbane të kryeministrit Edi Rama, duke e cilësuar atë si bukuri që vret dhe si prioritet që harxhoi qindra milionë euro:

“Unë e quaj bukuri që vret sepse reflekton dështimin total të Edi Ramës dhe të rilindjes në katër vite për t’i shërbyer qytetarëve”.

Sipas Bashës asnjë premtim nuk u realizua pasi Rama vendosi prioritete të tjera, si ajo e rilindjes urbane me palma të thara:

“Rama nuk mbajti asnjë premtim se kishte prioritet rilindjen urbane. Unë e kam thënë edhe më parë, palma si pemë është e bukur, më pëlqen, pavarësisht se këto të Edit janë tharë të gjitha. Megjithatë puna është që palmat, pllakat, shatërvanët, kulla e Korçës të zënë sytë kur sheh hallet e shqiptarëve”, përfundon Basha në #DritaremeRudinën.

Nga ana tjetër i pyetur nëse do ti prishë këto projekte është shprehur ai nuk do të prishe asgjë nga çfarë ka bëre Rama, por ndryshe nga ai, nuk do të ketë prioritet fasadën, por ekonominë.

“Çpunë kam unë me i prishur. Unë nuk jam çmendur. Merret tjetër kush me këtë punë” tha Basha.