Kanë mbajtur peng pronarin e dyqanit për t’i kthyer një shumë monetare që u detyrohej, por më pas janë arrestuar nga policia.
Ngjarja ka ndodhur në rrugën “Sami Frashëri”, ku Erion Basha 32 vjeç, dhe babai i tij Q. Basha, 71 vjeç kanë mbajtur peng D. P, 41 vjeç duke mos e lejuar të dalë nga dyqani i tij.
Ata pretendonin që 41-vjeçari t’u kthente shumën monetare prej 7 mijë lekësh të rinj, shumë kjo që u detyrohej D.P.
Erion Basha është arrestuar në flagrancë, ndërsa i ati i tij do të hetohet në gjendje të lirë.
Ndaj tyre rëndon akuza e heqjes së paligjshme të lirisë.
