Në Kosovë është rritur numri i krimeve kibernetike, e më të rrezikuarat mbesin bizneset.
Mesazhe kërcënuese nga hakerë, i kishin shkuar qeverisë franceze në rast se do të ekstradojë ish-kryeministrin Ramush Haradinaj në Serbi, raporton KTV.
Përveç Anonymous Albania, si reflektim i marrëdhënieve të tensionuara Kosovë Serbi, një tjetër grup hakerësh, i njohur si WildClique, sulmuan një sërë ueb-faqesh nga shteti i Serbisë, duke u vendosur informata për krimet serbe të kryera në Kosovë.
Është kjo një prej formave moderne të luftërave. Policia e Kosovës, vitin e kaluar për krime të kësaj natyre ka ngritur 18 kallëzime penale.
Njohësit e kësaj fushe, e shohin të nevojshme rritjen e masave të sigurisë, për parandalimin e sulmeve. (b.an)
