Arsenalit i ikën një nga objektivat e sezonit, teksa është eliminuar nga Kupa e Ligës. “Topçinjtë” u mundën në shtëpinë e tyre nga Southampton, falë dy golave të shënuar që në pjesën e parë, nga Clasie në minutën e 13-ë dhe Bertrand në të 38-ën.
Bashkë me Southampton kalon në gjysmëfinale edhe Manchester United, i cili shpartallon 4-1 West Hamin, ndryshe nga ndeshja e pak ditëve më parë në kampionat, ku skuadrat barazuan 1-1 në Old Trafford. Ibrahimoviç shënoi golin e parë dhe të fundit, në minutën e dytë dhe 93-të, ndërsa midis tyre ishin Fletcher për West Ham dhe Martial e Mata për United që plotësuan rezultatin.
Për United bëri debutimin sezonal Bastian Schweinsteiger, i cili hyri në minutën e 87-të, hera e tij e parë në drejtimin e trajnerit José Mourinho.
d.i.
