Trajneri i Manchester Unitedit, Jose Mourinho kategorikisht e ka hedhur poshtë mundësinë që ta shesë kapitenin e Unitedit, Wayne Rooney.
Sulmuesi, që të hënën mbush 31 vjeç, ishte titullar në fitoren pre 4-1 ndaj Fenerbahces të enjten në Europa Ligë, por së paku në tri ndeshje të Premier Ligës është lanë në bankën e rezervistëve, transmeton Koha.net.
Por, Mourinho e ka pranuar se një vendim ishte shumë i vështirë, ndërsa ka theksuar se Rooney nuk do të largohet. “Jo, asnjëherë nuk do ta marr atë vendim.
Një lojtar i nivelit të tij, lojtar me historinë e tij në një klub asnjëherë nuk do ta arrijë në atë pikë që trajneri apo klubi të marrë atë vendim për të.
E lash në bankën rezervë për tre ndeshje me radhë. Kjo është shumë e vështirë për të, e për mua, kjo është të jesh i pamëshirshëm, që ta kem prioritet interesin e ekipit para secilit lojtarë, prestigjit apo statusit.
Në këtë rast madje edhe të një legjende. Ta lë atë në bankë është shumë e vështirë”, ka thënë Mourinho për Sky Sports News. Rooney është kritikuar për formën e tij në këtë edicion, ndërsa është i lidhur edhe me një largim nga “Old Trafford”. (b.an)
