Paraqitjet pozitive të kombëtares shqiptare nuk janë më surpriza për opinionin sportiv ndërkombëtar. Diçka të tillë e vërtetoi pragndeshja ndaj Spanjës, ku të gjithë flisnin me shumë respekt për kuqezinjtë, por edhe pas ndeshjes askush nuk tha se Shqipëria humbi për meritë të Spanjës, por për gabim të portierit Berisha.
Në një artikull të faqes zyrtare të UEFA-s në internet, i titulluar “Çfarë mësuam nga kualifikueset e tetorit?”, nuk mund të lihej jashtë vëmendjes edhe ekipi i drejtuar nga Gianni De Biasi.
Shqipëria ka 2 fitore në 3 ndeshje në Grupin G, dhe në qoftë se ata ndihen të zhgënjyer sepse janë vetëm 1 pikë pas Spanjës dhe Italisë, kjo tregon se sa lart janë ngjitur”, shkruan ndër të tjera “UEFA.com”.
