Nga Mentor Kikia
Debati i madh është se kush e ka përgjegjësinë për grabitjen në aeroport. Nga gardhi e brenda e ka TIA, dmth kompania private e sigurise qe ka kontraktuar ajo ICTS. Nga gardhi e jashte e ka policia e shtetit. Tani, nese grabitesi hyn nga jashte-brenda, atehere duhej ta kapte me pare policia, se ICST nuk ka armë. Ne kete rast, ata kanë hyre nje here nga jashte-brenda, pastaj kanë bërë një xhiro nëpër pistë, kanë kontrolluar avionët nëse ishin në rregull me oraret dhe pastaj kanë bere grabitjen, duke ecuar nga brenda-jashte. Kush e ka fajin këtu? Asnjeri- them une. Edhe TIA, me te drejte pyeti? Po sikur te na hedhin nje shishe me benzine, nga jashte-brenda, kush e ka pergjegjësine? Ndersa une po pyes: Po sikur të marrin peng, apo të sulmojnë një avion nga brenda-jashtë? Po sikur të futen kamikazë të maskuar si punëtorë bagazhesh apo roje private, nga jashtë-brenda, e pastaj të sulmojnë nga brenda-jashtë me të gjitha avionet kamikazë? Kush do te nderhyje, sepse rojet e ICST nuk kane arme?
Ja pra e shikoni që asnjëri s’ka faj. Pikërisht, meqë s’kanë faj, edhe drejtorët e TIA dhe ICTS, as e kanë prishur terezinë fare per cfare ndodhi ne Rinas, por vazhdojnë pushimet.
Unë habitem për një gjë. Si ka mundësi që këtu bëhen kaq pak grabitje? Si ka mundesi qe nuk e marrin te gjithe shtetin e ta fusin ne thes? Po si është e mundur që i gjithë shteti është dhënë me PPP(koncesion). Edhe bankat, edhe ministritë, edhe magazinat e rezervave të shtetit, edhe aeroporti, edhe portet, edhe KQZ-ja, edhe biblioteka kombëtare, arkivat, muzetë, universitetet, bashkite… gjithëcka i është lënë për ruajtje policive private. Po a e dini cfarë janë policët privatë? Ca njerëz pa asnjë përgatije, ca me bark të madh që su mbërthehen pantallonat, e ca aq të dobët sa u prek rripi shtyllën kurrizore. Këta rregullojnë turnet, duke bërë 24 orë sherbim që të nxjerrin tre ditë pushim për të bëjnë ndonjë punë në shtëpi, dhe shumicën e kohës flenë në shërbim pastaj. Këta paguhen 20 mije lekë në muaj dhe ata më me fat kanë marrë pagesën e Marsit tani. Këta bashkëpunojnë për të grabitur jo 1 milion Euro, por edhe 1 mijë Euro.
Këto janë pasojat kur shteti dorëzon gjithëcka tek privatët, me ca standarte skandaloze, ku gjithkush zhvat cte munde. Kështu është gjithandej, por duhet të plasë bomba për të mësuar se si është e vërteta.
![Mentor Kikia's photo.](https://scontent-cdg2-1.xx.fbcdn.net/v/t1.0-0/q91/s480x480/13439002_1731243030463432_8160427262186833446_n.jpg?oh=2e237a7719b3adab76635d4679c04a45&oe=57F09186)
![Mentor Kikia's photo.](https://scontent-cdg2-1.xx.fbcdn.net/v/t1.0-0/s480x480/13592580_1731243063796762_3899111048054826682_n.jpg?oh=179132530ff5f6e2471f657c962f0524&oe=57F5C1F1)