Autoriteti i antikitetit në Izrael ka thënë se një ekip ndërkombëtar i hulumtuesve e ka zbuluar një tunel në Lituani që është hapur nga të burgosurit hebre. Ata e kanë hapur këtë tunel në përpjekje që të largoheshin nga rrëmbyesit nazist gjatë Luftës së Dytë Botërore.
Ky autoritet ka thënë të mërkurën se ekipi i përbërë me kërkues nga Izraeli, SHBA-të, Kanadaja dhe Lituania, kanë përdorur minerale dhe teknologji skanimi për zbulim të naftës, për të gjetur tunelin. Tuneli i gjatë 35 metra është gjetur në malin Ponar, i njohur sot me emrin Paneriai, ku nazistët kanë vrarë 100 mijë njerëz.
Gjatë fundit të luftës, të burgosurit janë dërguar në kampin e koncentrimit në Stutthof dhe ku janë detyruar që të djegin trupat e pajetë. Në mënyrë të fshehtë, ata e kanë gropuar tunelin prej një bunari ku mbaheshin. 40 të burgosur kanë arritur të ikin përmes tunelit në vitin 1944. Shumë prej tyre janë vrarë, por 11 të burgosur kanë arritur deri te forcat partizane dhe kanë shpëtuar.
ma.me
