Një koordinator së bashku me katër trajnerë të licencuar të Akademisë së Barcelonës, të enjten mbrëma kanë zbritur në Kosovë.
Ekipi i Akademisë së Barcelonës për pesë ditë do të qëndrojë në Kosovë, ku do të praktikojë metodat e punës që zbatohen në sistemin e grupmoshave të Barcelonës.
Katër trajnerët dhe koordinatori do të kenë punë me rreth 200 fëmijë, sa edhe janë paraqitur deri të enjten për të marrë pjesë në kampin e Barcelonës “FCBEscola Soccer Camp Kosova 2016” për grupmoshat U-8, U-10, U-12 dhe U-16, shkruan Koha Ditore.
Kampi do të mbahet në stadiumin “Agron Rama” në Obiliq. Hapja e kampit të Barcelonës që mbahet për herë të parë në Kosovë do të bëhet më 21 dhe do të përfundojë më 25 maj.
Koordinatori dhe trajnerët nuk u deklaruan për pritshmëritë dhe qëllimet e ardhjes në Kosovë, meqë, siç thanë, e kanë të ndaluar të flasin për media pa marrjen e lejes nga zyra kryesore e Barcelonës. (b.an)
