Telekom prezanton paketën “One Family”

Telekom Albania sjell për herë të parë në tregun shqiptar të telekomunikacionit një paketë me produkte dhe shërbime të avancuara për familjet. “One Family” do të plotësojë njëkohësisht disa prej kërkesave që kanë prindërit, fëmijët apo dhe anëtarët e tjerë të familjes, pasi është një formë novatore, ekonomike dhe e sigurt komunikimi.

Telekom e ka kompozuar “One Family”, posaçërisht për shpenzimet brenda familjes, duke mundësuar formimin e një grupi ku janë të pranishëm të gjithë anëtarët e familjes. “One Family”, veç bërjes më të lehtë të komunikimit vjen dhe si një mundësi për të ulur shpenzimet familjare dhe rritur sigurinë për fëmijët.

Grupi “One Family” mund të përbëhet deri nga 4 numra dhe pjesëtarët e grupit përfitojnë shërbime të tilla si ulje të ndjeshme, transferim krediti falas nga krijuesi i grupit dhe numër Telekom fiks me pajtim mujor falas.

Pjesë e kësaj pakete nga Telekom është dhe një produkt tejet novator si ora inteligjente MyKid, e krijuar për t`u mbajtur nga fëmijët, por që cilësohet si një prej lehtësive më të mëdha për prindërit e tyre.

MyKid ofrohet falas dhe është orë inteligjente posaçërisht për fëmijët e grupmoshës 4-12 vjeç. Kjo orë inteligjente vjen e pajisur me një kartë SIM Telekom, lokalizues GPS si dhe sensor të ndjeshëm i cili tregon nëse ora është në dorë apo është hequr nga fëmija juaj. Ora MyKid përfitohet falas me aktivizimin e ‘One Family’ dhe mundëson qëndrimin në kontakt me fëmijën tuaj në çdo moment. Telefonatat, SMS, mesazhet zanore dhe lokalizimi janë ndër funksionet bazë më të rëndësishme të MyKid. Fëmija mund të telefonojë deri në 5 numra, të përcaktuar që më parë nga prindi, të dërgojë sinjale SOS në rast rreziku dhe të dëgjojë mesazhe zanore nëpërmjet orës MyKid.

Një tjetër shërbim i rëndësishëm për prindërit vjen dhe nga lokalizuesi GPS, që ju mundëson të krijoni “zonat e sigurisë”, të kontrolloni lëvizjet dhe të shikoni ku ndodhet fëmija. Prindërit duhet të instalojnë aplikacionin “MyKid Watch” që sjell Telekom për telefonat Android e iOS si dhe nëpërmjet kompjuterit personal. Prindërit me anë të aplikacionit “MyKid Watch” do të jenë gjithmonë në kontakt me fëmijën.

MyKid vjen në tre kombinime ngjyrash të gjalla dhe shumë tërheqëse për fëmijët të tilla si: blu me jeshile, e kuqe me blu dhe e kuqe me të verdhë. Më shumë informacione dhe detaje mbi paketën ‘One Family’ mund të gjeni në: www.telekom.com.al/onefamily

Telekom Albania është e angazhuar të sjellë në tregun shqiptar produktet më cilësore dhe të avancuara të fushës së telekomunikacionit. Kjo nuk është hera e parë që Telekom kujdeset për sigurinë e fëmijëve tuaj. Më parë kompania ka hedhur në treg aplikacionin ekskluziv të kontrollit prindëror “e-Di” për të lokalizuar vendndodhjen e fëmijëve dhe anëtarëve të moshuar të familjes. Telekom Albania, si pjesë e familjes së madhe të Deutsche Telekom do të vazhdojë të ofrojë aplikacione që lehtësojnë jetën e abonentëve të saj.” javanews/ a.k