Gjashtë tërmete të mëdha janë regjistruar të mërkurën, të enjten dhe në fundjavë, përfshirë disa shkatërruese në Japoni dhe në Ekuador që vranë më shumë se njëqind persona e mbi njëmijë u plagosën. Shkencëtarët kanë frikë se kjo seri tërmetesh të forta mund të jetë paralajmërim i keq.
Shkencëtarët shprehen se ky numër i madh i tërmeteve të forta në Azi dhe në Paqësor do të thotë se vjen një tërmet mega-tërmet kataklizmik, siç që ka goditur Nepali në vitin 2015 ku u mbytën mbi 8.000 persona.
Dridhjet e përditshme të tokës nuk janë të pazakonta, por shkencëtarët janë të shqetësuar me rritjen e numrit të tërmeteve të fuqishme në zonën e Paqësorit për një periudhë të shkurtër kohore.
“Situata aktuale mund të na çojë në shfaqjen e të paktën katër tërmeteve të mëdha të madhësisë prej 8 të shkallëve të Rihterit. Nëse nuk ndodhin në javët e ardhshme, ka të ngjarë që në të ardhmen të jenë më të frikshme – tërmete kolosale”, paralajmëron Roger Bilha, sizmolog nga Universiteti i Kolorados. /Telegrafi/
