Një aksident në aksin rrugor Korçë Ersekë, në vendin e njohur si “Ura e Selenicës”, i ka marë jetën një personi ndërsa një tjetër është plagosur. Sipas të dhënave mësohet se dy personat po udhëtonin me një motorr dhe janë përplasur me një kalë.
Për pasojë, njëri prej tyre, shtetasi me inicialet M.L ka humbur jetën ndërsa i plagosuri, 19 vjeçari me iniciale A.L ka mbetur i plagosur. I riu është transportuar për në spitalin e Ersekës.
Në vendin e ngjarjes ka mbërritur policia e cila ka nisur hetimet për zbardhjen e ngjarjes dhe rrethanave që sollën aksidentin.
